Kreu i IMT-së së Bashkisë së Belshit, Fatjon Muça dhe mbikqyrësi i punimeve, Lorenc Hoxha janë arrestuar ndërsa janë shpallur në kërkim Besnik Hysa, njëri prej pronarëve të firmës Vëllezërit Hysa, dhe administratori i kësaj firme, Dhiogjen Kristo.
Në denoncimin e bërë pak ditë më parë në “Facebook”,kandidati i Partisë Demokratike denoncoi kryerjen e asfaltit elektoral nga kompania e ndërtimit “Vëllezërit Hysa” në një rrugë lokale në lagjen ku ndodhet banesa e Kryetarit të Partisë Socialiste në Belsh.
Organi i akuzës bën të ditur se nga verifikimet ka rezultuar se kompania e ndërtimit “Vëllezërit Hysa” po shtronte rrugët pa patur një projekt.
Për shpërdorim detyre dhe përdorim i funksionit publik për veprimtari politike ose zgjedhore janë ndaluar Fatjon Muça, kreu i i IMT Belsh e Lorenc Hoxha është mbikqyrës punimesh dhe administrator i ZETACONSULT.
Ndërkohë në kërkim janë Dhiogjen Kristo,administratori i firmës Vëllezërit Hysa dhe Besnik Hysa njëri prej vëllezërve pronarë të kësaj firme.
Të arrestuar
Fatjon Muça, kreu i i IMT Belsh
Lorenc Hoxha është mbikqyrës punimesh dhe administrator i ZETACONSULT
Në kërkim
Dhiogjen Kristo,administratori i firmës Vëllezërit Hysa
Besnik Hysa njëri prej vëllezërve pronarë të kësaj firme.
Dyshime se lejuan shtrimin errugëve në Belsh në funksion të fushatës elektorale, Prokuroria Elbasan firmos 4 urdherndalime
Prokuroria pranë Gjykatës së Shkallës së Parë të Juridiksionit të Përgjithshëm Elbasan, ka regjistruar kryesisht procedimin penal nr. 446 të vitit 2025 për veprën penale të “Shpërdorim detyre”, “Përdorimi i funksionitpublik për veprimtari politike ose zgjedhore”, “Ndërtim i paligjshëm” dhe “Moskallëzim i krimit” të parashikuar nga nenet 248, 328/a/4, 199/a/3 dhe 300 i K.Penal,
Në datë 05.05.2025, ora 08:30, nga këqyrja në rrjetin social “Facebook”,është shfaqur postim “Asfalt elektoral në Belsh”, në video dallohet një kamion me mbishkrimin “V. H.” dhe mbrapa saj një mjet që shtron asfalt. Në këmbë gjendet kandidati i një koalicioni zgjedhor shtetasi D.C. Ky shtetas në video mes të tjerash relaton se: “I bëj thirrje Kryetarit të Bashkisë Belsh, që pse shtrohet ky asfalt tani, një javë para zgjedhjeve”.
Në kuadër të këtij procedimi janë kryer disa veprime hetimore si kqyrja e vendit të ngjarjes, kqyrja dhe sekuestrimi i dokumentacionit mbi punimet në rrugë (praktika e mbajtur nga ana e Bashkisë Belsh dhe nga subjekti “V.H” shpk), administrim i deklarimeve të personave që kanë dijeni rreth veprës penale.
Në tërësi të veprimeve hetimore të kryera deri në këto momente, rezulton se ka dyshime të arsyeshme që punonjës të IMT Bashkia Belsh kanë kryer veprën penale të “Shpërdorimit të detyrës” të parashikuar nga neni 248 i Kodit Penal, pasi me mosveprimet e tyre kanë lejuar që subjekti “V.H” shpk të shtrojnë pa projekt rrugë të brendshme në qytetin e Belshit, të dyshuara të kryera në funksion të fushatës elektorale për zgjedhjet e datës 11.05.2025.
Nga ana e subjektit “V.H.” shpk është kryer vepra penale e “Ndërtimit të paligjshëm” parashikuar nga neni 199/a/3 i Kodit Penal.
Sa me sipër në datë 10.05.2025 nga Prokurori i çështjes është urdhëruar ndalimi i të dyshuarve për një krim shtetasve F.M., L.H., Dh.K. dhe B.H.
Nga policia gjyqësore është ekzekutuar ndalimi për dy shtetas, jane ushtruar kontrolle vendesh si dhe është bërë shpallja në kërkim e dy shtetave Dh.K. dhe B.H.
